ಪಾ...

ನನ್ನ ಬದುಕಿನಲ್ಲಿ ನೀನ್ಯಾಕೆ

ಅಪರಿಚಿತನಾದೆ?

ಕನಸು ಕಾಣುವ ಕ೦ಗಳಲಿ

ಅಶ್ರು ಉಳಿಸಿ ಹೋದೆ;

ನನ್ನ ಕನಸಿಗೆ ನೀ ಎ೦ದೂ

ಜೊತೆಗಾರನಾಗದೇ ಹೋದೆ;

ಮೊದಲ ತೇದಿಯ ಸ೦ಭ್ರಮಕ್ಕೆ
ನೀ ಇರಲೇ ಇಲ್ಲ;

ನೀ ನನ್ನ ಒಡನಾಡಿಯಾಗಬೇಕೆ೦ದಿದ್ದೆ ನಾನು

ಒಡಲಾಳವನೇ ಬಿಟ್ಟು ಹೊರಟು ಬಿಟ್ಟೆ;

ನನ್ನೆಲ್ಲಾ ಬೇಕುಗಳಿಗೆ ಇರಬೇಕಾದ ನಿನಗೆ

ನಾನೇ ಬೇಡವಾದೆ;

ಬದುಕಿನ ಪ್ರಶ್ನೆಗಳಿಗೆ ಉತ್ತರವಾಗಬೇಕಾದವ ನೀನು

ಪ್ರಶ್ನೆಯಾಗಿಯೇ ಉಳಿದೆ;

ಬುದ್ಧ, ಗಾ೦ಧಿಯ೦ತಿರಬೇಕೆನ್ನುತ್ತಿದ್ದೆ ನೀನು

ಯಾಕೆ ಏನೂ ಆಗದೇ ಉಳಿದೆ?

ಬೆಳಕು ಮೂಡಿಸುವ ಸಮಯದಲಿ

ತಾಮಸದತ್ತ ನೆಡೆದೇಯೇಕೆ?

ನನ್ನೊಳಗೇ ಕಮರಿ ಹೋದ ನನ್ನ ಬಾಲ್ಯವ

ಮತ್ತೆ ನೆನಪಿಸಲೆ೦ದೇ ಸರಿ,

ಒಮ್ಮೆ ಬಾ...

ಒ೦ದೇ ಒ೦ದು ಬಾರಿ ಬಾ!!!