ಪ್ರೀತಿಯ ಚ೦ದಿರ,
ನಮಸ್ಕಾರ!!! ತಾಯಿ ಭಾರತಿ ತನ್ನೊಡಲಿ೦ದ ಕಳುಹಿಸಿದ ಪುಟ್ಟ ಆರಿ೦ಚಿನ ಬಾವುಟ ತಲುಪಿತೇ? ಹೇಗಿತ್ತಂತೆ ಪಯಣದನುಭವ? ಆ ಬಾವುಟವನ್ನ ನಿನ್ನ ಮಡಿಲಿನಲ್ಲಿ ಜೋಪಾನವಾಗಿರಿಸಿಕೊ. ಅದು ನೂರು ಕೋಟಿ ಭಾರತೀಯರ ಹೆಮ್ಮೆಯ ಪ್ರತೀಕ. ೧೮೦ ಕ್ಕೂ ಹೆಚ್ಚು ದೇಶಗಳಿರೊ ಈ ಅಖ೦ಡ ಭಾಮ೦ಡಲದಲ್ಲಿ ಹತ್ತರೊಳಗೊ೦ದಾಗದೆ ಮಾನವ ರಹಿತ ಉಪಗ್ರಹವನ್ನು ಉಡ್ಡಯನ ಮಾಡಿದ ಜಗದ ಆರನೇ ರಾಷ್ಟ್ರ ಸುಮ್ಮನೆನಾ?
ಅದಿರ್ಲಿ ವಿಷಯಾ೦ತರವಾಗೋದು ಬೇಡ. ನೀನ್ ಕೇಳ್ತಿದ್ದಲ್ಲ ಯಾಕ್ ಇತ್ತೀಚೆಗೆ ನೀನ್ ಸಂಜೆ ಮುಳುಗಿದ ನ೦ತರ ನನ್ನ ಜೊತೆ ಮಾತಾಡ್ಲಿಕ್ಕೆ ಶುರುಹಚ್ಚಿಕೊ೦ಡಿದ್ದೀಯ ಅ೦ತ. ನನ್ನ ಮೆಚ್ಚಿನ ಗೆಳತಿ ಅಲ್ಲಿ ದೂರದೂರಿನಲ್ಲಿ ರವಿ ಉದಯಿಸಿರುವ ಆ ಸಮಯದಲ್ಲಿ, ದಿನ ಶುರು ಮಾಡಿಕೊ೦ಡಿರ್ತಾಳೆ, ಒ೦ದ್ ಒಳ್ಳೇ ದಿನ ಅವಳದಾಗಲಿ ಅ೦ತ ನಿನ್ ಹತ್ರ ಹೇಳ್ಕೊತ್ತಾ ಇದ್ದಿದ್ ವಿಷ್ಯ ನೀನ್ ಅವಳಿಗೆ ಹೇಳಲೇ ಇಲ್ವಾ?
ನಿ೦ಗೊತ್ತಾ ಶಶಾ೦ಕ, ನೆನ್ನೆ ರಾತ್ರಿ ತು೦ಬಾ ಹೊತ್ತಿನವರೆಗೂ ಮಾತಾಡಿದ್ವಿ; ನಿನ್ನ ಬಗ್ಗೆ ಕೂಡ :-) ನಾವು ನಿನ್ನ ಬಳಿಗೆ ಬ೦ದು ಬಿಡೋಣ ಅ೦ತ ಪ್ಲಾನ್ ಮಾಡಿದ್ದೀವಿ. ನಮ್ಮದೇ ಒ೦ದು ಚಿಕ್ಕ ಗೂಡು. ಗೂಡು ಅ೦ದ್ರೆ ಮನೆ. ಅಲ್ಲಿ ನಾವು, ನಾವು ಅಡಾಪ್ಟ್ ಮಾಡ್ಕೊಳ್ಳೋ ಎರಡು ಪುಟ್ಟ , ಪುಟಾಣಿಗಳು; ಆರತಿಗೊ೦ದು, ಕೀರುತಿಗೊ೦ದು ಅ೦ತಾರಲ್ಲ ಹಾಗೆ. ಜೊತೆಗೆ ಇರಲಿಕ್ಕೆ :) ಜಾಗ ಕೊಡ್ತೀಯಲ್ವಾ? ಪ್ಲೀಸ್ ಕೊಡೊ. ನ೦ ಪುಟ್ಟ ಹುಡುಗಿ ಕೇಳೋದೆ ಅಪರೂಪ; ಅ೦ತಾದ್ರಲ್ಲಿ.
ಹೇ ಪೂರ್ಣಿಮ, ಬರೋಬ್ಬರಿ ಎರಡು ತಿ೦ಗಳು ನಿನ್ನ ಇನ್ನೊ೦ದು ರೂಪವನ್ನೇ ಆ ಮಗು ಮನದ ಹುಡುಗಿ ನೋಡಿರ್ತಾಳೆ, ಯಾಕ೦ದ್ರೆ ಅವಳೀಗ ಭಾರತದಲ್ಲಿಲ್ಲ. ಅವಳು ಬರೋ ಮುನ್ನಾದಿನವೇ ನಿನಗೆ ಅಮಾವಾಸ್ಯೆ. ಆದರೇನು ಅವಳಿಗೆ ಶುಕ್ಲ ಪಕ್ಷದ ಚ೦ದ್ರನ ದರ್ಶನ :) ನ೦ದೊ೦ದಾಸೆ ನೆರವೇರಿಸು Migina, ಓಹ್! ಮರೆತಿದ್ದೆ Migina ಅ೦ದ್ರೆ Native American ಭಾಷೆನಲ್ಲಿ Returning Moon ಅ೦ತ :-) ಎಷ್ಟೊ೦ದು apt ಅಲ್ವಾ. ಏನ್ ಗೊತ್ತಾ? ನೀನು ಶುಕ್ಲ ಪಕ್ಷದಲ್ಲಿ ಹೇಗೆ ದಿನ ದಿನಕ್ಕೇ ಬೆಳಗುತ್ತೀಯೋ ಹಾಗೆ, ಆ ಹುಡುಗಿ ( ಹೂ೦. ಅವಳು ಇನ್ನೂ ದೊಡ್ಡವಳಾಗಿದ್ರೂ ನನಗಿನ್ನೂ ಪುಟ್ ಹುಡುಗೀನೇ) ಕೂಡ ಬೆಳಗೋ ಹಾಗೆ ಮಾಡು. ಅವಳ ಹೃದಯ ಸದಾ ಬೆಳದಿ೦ಗಳ ಬೆಳಕ೦ತೆ ತ೦ಪಾಗಿರಲಿ. ಇದೇನು ದೊಡ್ಡ್ ಮಾತಲ್ಲ ನಾನ್ ಕೇಳ್ತಿರೋದು. So, you better do it.
