For a Close Friend of Mine

ನೀ ನುಡಿಯದಿರಲೇನು ಬಯಲಾಗಿಹುದೆಲ್ಲಾ

ಕಣ್ಣ೦ಚಿನಾ ಕೊನೆಯ ಭಾವದಲ್ಲಿ

ಬಗೆ ನೋವ ಭಾರಕ್ಕೆ

ಬಳಲಿರುವ ಮೊಗವಿಹುದು

ಕಾರ್ಮೋಡದಾಗಸದ ರೀತಿಯಲ್ಲಿ

ದೇಹವಿಡಿ ಕಣ್ಣಾಗಿ ಕಾದಿರಲು ಹ೦ಬಲಿಸಿ

ನಲಿವಿರದ ನಗೆಯಿ೦ದ ಮನವ ಮುರಿದೆ

ಮಹದಾಸೆಗಳ ತೊರೆದು ವಿಕಟ್ಟಾಟ್ಟಹಾಸದಲಿ

ಮೆರೆದಿರುವ ನೋಟದಲೇ ನನ್ನ ಇರಿದೇ...ನನ್ನ ಇರಿದೆ

ಬಾಡಿರುವ ಮೊಗದಿ೦ದ, ಕಳೆಯಿರದ ಕಣ್ಣಿ೦ದ

ನಿನ್ನ ಸಿರಿವ೦ತಿಕೆಯ ಕಾಣುವಾಸೆ

ನಲಿವಿರದ ನಗೆಯಲ್ಲಿ, ಸೊಗವಿರದ ತುಟಿಯಲ್ಲಿ

ಚೆಲು ಕನಸಿರುಳುಗಳ ಹುಡುಕುವಾಸೆ... ಹುಡುಕುವಾಸೆ!!!

ಅರೆಘಳಿಗೆ ಸುಖ ಸ್ವಪ್ನ ಬರಲಾರದೆಮ್ಮೊಡನೆ

ವಾಸ್ತವತೆ ಗಗಹಿಸಿ ಸೆಳೆಯುತಿಹುದು

ಮರೆತೆಲ್ಲ ನಕ್ಕು ಬಿಡು ಮತ್ತೊಮ್ಮೆ ಅ೦ದದಲಿ

ಬೇರೆ ಹಾದಿಯ ನಾವು ಹಿಡಿಯಬಹುದು...ಹಿಡಿಯಬಹುದು